labarai:- Alhazzai sun fara tururuwa zuwa filin Mina

Bayan sauka daga Arafat, a yau talata sama da mahajjata da milyan biyu sun fara aikin jifar shedan, mataki na gaba a jerin ayyukan hajji da ke gudana yanzu haka a kasar Saudiyya. Yanzu haka dai majjatan na cigaba da kwarara zuwa filin Mina da ke yammacin birnin Makka a cikin yanayi na zafin rana a wannan shekara, inda zafin ya kai maki 44 ma’aunin celcius. An dai dauki tsauraran matakai musamman na tsaro, musamman a lokacin da ake kwarara zuwa filin na Mina, inda shekara ta 2015 aka samu tirmitsitsin da ya yi sanadiyyar mutuwar mahajjata 2,300.